Xente con vida

Aprende a sentirte ben 19/03/2012

Aditivos alimentarios

Vota:
Resultado:
(5 votos)
Compartir:
É unha substancia que se engade intencionadamente aos alimentos coa intención de modificar algunhas das súas características organolépticas, estabilizar o seu aspecto, modificar o seu pH para prolongar a vida útil protexéndoos fronte aos microorganismos.
Sal
Aditivos alimentarios
  • Todos os aditivos foron avaliados pola European Food Standard Agency (EFSA).
  • Para a identificación dos aditivos séguese a numeración asignada pola UE, que vai precedida pola letra E (de Europa) e un número.
  • Un colorante é un aditivo alimentario que se emprega principalmente para engadir ou restaurar a cor dun alimento.

Para que unha substancia se poida autorizar como aditivo debe cumprir unha serie de requisitos moi estritos. Todos os aditivos foron avaliados pola European Food Standard Agency (EFSA) onde se lles someteu a minuciosos estudos, que verificaron que son realmente necesarios e que as doses autorizadas non poden causar ningún efecto prexudicial.

aditivo

En España admítense unicamente os aditivos aprobados pola Comunidade Europea. Detrás da normativa de aplicación e dosificación para os aditivos, hai un grupo de expertos que os manteñen en observación permanente e están preparados para avalialos de novo sempre que sexa necesario e despois dos novos datos científicos.

Na etiqueta dos produtos envasados que compras, aparece un código (p. ex.: L-330) que che está a indicar os tipos de aditivos que contén ese produto alimenticio. Para a identificación dos aditivos séguese a numeración asignada pola UE, que vai precedida pola letra E (de Europa) e un número que indica o tipo e a función do aditivo.

aditivos.jpg

Tomado de Farré R, Barberá R. Aditivos alimentarios. En: Gil A. Tratado de nutrición, 2º ed. Madrid: Médica Panamericana, 2010.

Sabías qué?

A famosa lista de aditivos do "Hospital de Villejuif" ou do "Hospital de Majadahonda" é unha información falsa e alarmista sobre os aditivos. Foi desmentida reiteradamente entre os medios de comunicación. Entre os seus erros máis rechamantes, están a de considerar o L-330 (ácido cítrico) como o aditivo máis perigoso. Aínda sendo errónea, actualmente difúndese en certos sitios da rede Internet que manifestan a súa preocupación por temas de saúde e ecoloxía.

Os colorantes

Un colorante é un aditivo alimentario que se emprega principalmente para engadir ou restaurar a cor dun alimento. Algúns son naturais como os pigmentos de verduras e froitas (como o zume de remolacha e o aceite de cenoria) ou de sementes e especias, como o pemento e o azafrán; ou a clorofila para as gomas de mascar e xeados.

colorante

Dende a antigüidade, os colorantes tiveron un importante papel simbólico e emocional. O azafrán utilizouse frecuentemente nos alimentos dende a antigüidade, e forma parte de moitos pratos tradicionais en Europa, Oriente Medio e Asia.

España é un importante produtor do pigmento natural obtido da cochinilla. É un dos máis resistentes e estables.

A tartracina (E-102) é un dos colorantes sintéticos máis utilizados como substituto do azafrán. A pesar de relacionárselle coa síndrome de déficit de atención con hiperactividade se se utiliza simultaneamente con benzoatos (E-210 a E-215), con síntomas de intolerancia en persoas sensibles ou con alerxias en moitos dos casos as probas non son concluíntes.

Os colorantes son moi utilizados en xeados, caramelos, xelatinas, etc. Tamén no queixo e a margarina se adoita empregar o annato, que lles dá a súa característica cor amarela.

O caramelo é, con moito o colorante natural máis usado (arredor do 90% dos colorantes engadidos). Úsase sobre todo en bebidas de cola, ron e coñac.

Deixa un comentario



 

¿Coñeces o teu índice de masa corporal (IMC)?​​

Os comités internacionais de expertos, recomendan o emprego do Índice de Masa Corporal (IMC) como un indicador orientativo do estado nutricional. Introducindo o teu peso e talla poderás coñecer o teu, e descubrir o nosos consellos saudables individualizados para ti.​​

Introduce os teus datos e calcula o teu IMC:

Kg.

m.


< voltar
O teu IMC é:
A OMS (Organización Mundial da Saúde)
establece como categoría do teu IMC:
BAIXO PESO​
​​
Sería convinte subir de peso cara ó rango de normopeso, xa que, contrariamente ó que moita xente pensa, o baixo peso pode ter consecuencias graves para a saúde.

< voltar
O teu IMC é:
A OMS (Organización Mundial da Saúde)
establece como categoría do teu IMC:
NORMOPESO​​
Tenta manter o teu peso actual, xa que te atopas nun peso adecuado para a túa estatura e, sobre todo, procura que os teus hábitos de dieta e exercicio físico sexan saudables.

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO I
Se o teu peso é estable, non padeces ningunha enfermidade asociada á obesidade e non se te acumula graxa no abdome, non é un sobrepeso preocupante. Podes manterte neste peso ou baixar cara un normopeso (IMC = 8,5 – 24,9), sempre e cando manteñas uns hábitos saudables de dieta e exercicio físico. Se algún dos anteriores puntos está presente, pola túa saúde aconsellámoste que perdas uns kilos ata situarte dentro do rango de normopeso.​
​​

< voltar
O teu IMC é:
A OMS (Organización Mundial da Saúde)
establece como categoría do teu IMC:
SOBREPESO II​
​​
Se o teu peso é estable, non padeces ningunha enfermidade asociada á obesidad e non se te acumula graxa no abdome, non é un sobrepeso preocupante. Poder manterte neste peso ou baixar cara normopeso, sempre e cando teñas uns hábitos saudables de dieta e exercicio físico. Se algún dos anteriores puntos está presente, aconsellámoste baixar entre un 5 e un 10% o teu peso, para poder mellorar o teu estado de saúde.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE I​
​​
A obesidade é unha enfermidade crónica que implica un exceso de grasa corporal e un incremento no risco de padecer certas enfermidades e trastornos fisiolóxicos, como a hipertensión arterial, diabetes e dislipemias, entre outras. Se xa padeces algunha enfermidade relacionada coa obesidade, ou se che acumula graxa no abdome, aconsellámoste que baixes de peso, alomenos un 10%. Así, poderás incluir novos hábitos saudables que axudarán a mellorar as patoloxías asociadas á obesidade. Se aínda non padeces estes síntomas, para previr posibles problemas de saúde, recomendámosche baixar de peso entre un 5 e un 10%, e coidar os teus hábitos alimentarios e de práctica regular de exercicio físico.

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE II​
​​
A obesidade é unha enfermidade crónica que implica un exceso de grasa corporal. E, neste caso, habitualmente vai acompañada dalgunha enfermidade asociada. Se é así, por razons de saúde, é necesario baixar de peso entre un 20 e un 30%, tendo en conta as patoloxías que poidan relacionarse coa obesidade. Así mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida. Se, por sorte aínda non padeces algunha enfermidade relacionada coa obesidade e non se che acumula graxa no abdome, comeza baixando un 10% de peso, sen esquecerte da importancia duns bos hábitos.​

< voltar
O teu IMC é:
A OMS (Organización Mundial da Saúde)
establece como categoría do teu IMC:
OBESIDADE III​
​​
A obesidade é unha enfermidade crónica que implica un exceso de graxa corporal. E, neste caso, habitualmente vai acompañada dalgunha enfermidade asociada. Por razons de saúde, é necesario baixar de peso entre un 20 e un 30% do teu peso actual, tendo en conta as patoloxías que poden relacionarse coa obesidade. Asi mesmo, é imprescindible establecer uns hábitos saudables alimentarios e de exercicio físico, que se vaian instaurando de xeito progresivo e de por vida.